جب تمیم کے وفد نے آپ صلی اللہ وعلیہ وسلم کو حجرے کے باہر سے آواز دی

اِنَّ  الَّذِیۡنَ یُنَادُوۡنَکَ مِنۡ وَّرَآءِ الۡحُجُرٰتِ  اَکۡثَرُہُمۡ  لَا یَعۡقِلُوۡنَ. سورۃ الحجرات آیت نمبر {4﴾

ترجمہ:

(اے پیغمبر) جو لوگ تمہیں حجروں کے پیچھے سے آواز دیتے ہیں ان میں سے اکثر کو عقل نہیں ہے۔

تفسیر:

تمیم کے جس وفد کا ابھی ذکر کیا گیا، وہ دوپہر کے وقت مدینہ منورہ پہنچا تھا جبکہ حضور نبی کریم (صلی اللہ علیہ وآلہ وسلم) آرام فرما رہے تھے۔ یہ لوگ آداب سے واقف نہیں تھے، اس لیے ان میں سے کچھ لوگوں نے آپ کے گھر کے باہر ہی سے آپ کو پکارنا شروع کردیا۔ اس پر اس آیت میں تنبیہ فرمائی گئی ہے۔