13جولائی یوم شہدائے کشمیر

یوم شہدائے کشمیر ہر سال 13 جولائی کو کشمیری موذنوں کے قتل کی یاد میں کشمیر اور بعض پاکستانی علاقوں میں منایا جاتا ہے ۔

جس کا مقصد ان مقتولین سے اظہار یکجہتی ہوتی ہے۔ اس دن13جولائی1931 میں مہاراجا کشمیر کے سپاہیوں نے آذان دیتے 22 کشمیری نوجوانوں کو شہید کیا تھا۔

پس منظر:

یہ 13جولائی 1931ء کا دن تھا۔ جب مسلمانان کشمیر نے  دین اسلام کی عظیم کتاب قرآن پاک کی بے حرمتی ہونے پر ڈوگرہ استبداد کے خلاف علم بغاوت بلند کیا۔ اور کشمیری مسلمان سنٹرل جیل سرینگر کے باہر سراپا احتجاج تھے۔ اسی دوران آذان کا وقت ہوا تو مظاہرین نے آذان بلند کی۔ ڈوگرہ حکمرانوں کے ظالم محافظوں نےحکمرانوں کے حکم پر آذان دیتے مظاہرین پر فائرشروع کر دئے۔جس سکے نتیجہ میں ایک نوجوان شہید ہوا-اسکے شہید ہوتے ہی ایک اور نوجوان اٹھا اور اس نے اپنے پیش رو کی جگہ اذان دینی شروع کردی۔ پولیس نے اس نوجوان کو بھی شہید کردیا۔یہ سلسلہ یونہی جاری رہا اور اذان کی تکمیل تک 22 فرزندان اسلام شہید کر دیے گئے۔اس ایمان افروز واقعہ نے پوری ریاست کشمیر میں آگ لگا دی اور کشمیر میں جدوجہد آزادی کا باقاعدہ آغاز ہوگیا۔ اہل کشمیر اور اہل پاکستان ہر سال 13 جولائی کو اسی واقعہ کی یاد تازہ کرتے ہیں اور اسے یوم شہدا کے طور پر مناتے ہیں۔